|
|
Looking Forward to Age
(A cautionary poem dedicated to fellow Vintarinians)
Flat on the table
My body probed by machines
That whirred on command by unseen hands.
The doctor was friendly
But in my mind
He was still the mad scientist.
I am well now, dancing back to health
To my wife and family.
From now on, however, before the dinner table
I better be good to my word--
Stay away from pork blood
And eat more pinakbet!
Cortal
Libre a sine! Libre a sine!
Awag ti Cortal idi ubbingkami.
Nasapakam a nangrabii, uray kam la naisigsigkol
Iti darasmi
A napan diay Plaza!
Billy the Kid
Ket ni Billy a kaarruba
Amerkano a namimpinsan
Billy The Kid, kunada no kua.
Nakapurpuraw ngamin,
Kasta unay kigtot dagiti lames
No bumatok iti karayan!
Inapuy
Inapuy, kalutluto, nagimasen!
Punnuem kadi toy sumilsileng a pinggan.
Puyutam, kabsat, ngem di mo liplipatan
Daytoy bungat’ ling-et,
Lumot, kapitakan.
Lagip
Malagipmo ni Columbina
Nga agsangsangit iti likud ti Central School
Gaput’ dawel dagiti manutsutil?
Sapay nagulib unay ti lubong kadagiti naulila?
Sapay kanayon gumatangka idi iti artem ni Lola Petra?
Sapay nakalanglangto dagiti sabong ken Jose Rizal
A tinartaripato ni Lakay Idor?
Ket daydi balasang a nalmes idi ubingka
Sapay aglanglangoy pay laeng iti nalamiis a danum
Iti sirok ti algalrobo diay igid ti karayan?
Melita, saludsudem man ken Cita no sapay
Sinurotdatayo ti bulan, manipud kali
Agingga idiay Gabaldon?
Akimbasol idi nakariing dagiti matmaturog
Ket nagtaul pay dagiti aso idi agawidtayo
Iti parbangon?
Pangaasim,
Dinak kusilapan, kabsat, ta awan maaramidko—
Ania man lidem, ladingit ti lubong
Lagip ti biag ti mangisalakan kadatayo.
Don Pacis May 14, 2004
pacis626@hotmail.com
|
|
|
|
