|
|
A SPECIAL THANKS To ALL MOMs - HAPPY MOTHER'S DAY!
KUNAK NGARUD KENKA
(Para ken Jose ken Macaria)
Ania ngata ti maisagutko kenka iti daytoy aldaw ti anibersario- -
Aldaw a napnuan iliw ken karayo, Aldaw dagiti Aldawyo.
Apayaunayen dagiti tawen! Kasla darepdep, kasta unay ti ragsak dagiti umay sumarabo
Kadakayo, dagiti kailian ken kakabsat ko
Aglalo ken Macaria, agsioman kaniak ken ingongotmo.
Kunak ngarud kenka: Awan matiliw ko a balikas no di lagip
A kuyogen ayat, adu a lua, dagiti rupa nabayagen a diak nakita
Umis-isem, nupay rigatko a makailasin kadakuada. Nupay kasta, saan a darepdep
Daytoy a kanito: No agkidemka makitam ti kapanagan diay daya, katapukan ti kalsada
Iti sellag ti bulan! Dagiti lallakay ken naumbi a gitara nga impalais ti bartek nga angin.
Dagiti parbangon sapa-enyot’ mapan Surong. Daydi Lola Limbania
A nanguggor kaniak ken kabagis a Joesen- -bambantay,nalayos a karayan.
Malagip ko amin dagiti rigatyo. Saan a darepdep dagitoy! Bungonek koma amin
Kas man bituen a nangarakup iti rabii, danum di naattianan a karayan….. Ta
Adda aya mangatiw iti sam-it ti biag, sam-it ti timekmo, suroten gitara ken biyulin?
Sika laengen ti makaammo iti daytoy ababa a daniw nga idanonko kenka:
Maestro ken Tatangko, puon ti anges ken naganko. Kailian, kabsat,
Kaarruba dagiti umay sumarabo kenka. Nasayaat a gayyem, taga-daya ka man wenno
Asideg ti kali “Mistro Joe ken Mac,” kunadanto. Pacis. Taga-Vintar.
Pada Ilocano. Agsidsidat’ bukto ken nabugguongan a parya: Siwawer de primera!
Don Pacis July 2, 2000
Courtesy of Leo Pacis: leopacis@adelphia.net
This is dedicated to our mom for mother's day
and also to remember the death aniversary of our dad who passed away last year.
|
|
|
|
