ITI SCUAA I 2007: HALL OF FAME AWARDEE TI MMSU
(Ni Edna C. Nagtalon)
Di masbaalan ti ragsak ti delegasion ti Mariano Marcos State University, Batac, Ilocos Norte nga ipanguluan ni Dr. Miriam E. Pascua, idi maideklara daytoy a kampeon iti naangay a 2007 State Universities and Colleges Athletic Association (SCUAA) I Meet a naangay
idiay Don Mariano Marcos Memorial State University South La Union Campus, Agoo, La Union, itay Enero 29 agingga iti Pebrero 2. Daytoy ti maikapat a nagsasaganad a gundaway nga inna panagkampeon a nangitunda ti pagadalan iti Hall of Fame. Ti MMSU ti
umuna a kameng ti nasao nga asosasion a nakaragpat iti nasao a balligi.
Kasta met laeng a pammadayaw ti nagun-od ti MMSU iti biang ti Philippine Association of State Universities and Colleges (PASUC) I Cultural Competition a kinagiddan met laeng ti SCUAA I Meet.
Dagiti panguo dagiti dadduma pay a pagadalan a nagpartisipar iti nagkadua a kompetision, isuda: Dr. Lauro B. Tacbas, University of Northern Philippines (UNP); Dr. Directo, Ilocos Sur Polytechnic State College (ISPSC); Dr.Ernesto R. Gapasin, Don Mariano Marcos Memorial State University (DMMMSU); Dr. Rodolfo V. Asanion, Pangasinan State University (PSU).
Adayo ti nangitarayan ti MMSU kadagiti kasupangilna. Kampeon iti baseball, softball, lawn tennis (Men); swimming (Men ken Women); Chess (Women); billiard (Men) ken iti arhletics (Men ken Women). 343 a puntos ti dagup ti nagun-od ti MMSU. Sumaruno ti UNP a nagkampeon met kadagiti sumaganad: basketball (M ken W); volleyball (M); sepak Takraw (W); badminton
(W); ken table tennis (M) ken nakagun-odanna iti 289 a puntos. Maikatlo ti PSU a nagkampeon iti soccer ken 268.5 a puntos ti naullona; maikapat ti DMMMSU a nakagun-od ti kampeonato iti sepak takraw (M) ken 241 a puntos. Maikalima ti ISPSC a nakaala iti 109.5 a puntos.
Iti biang ti cultural competitions, inyalat ti MMSU ti umuna a puesto kadagiti sumaganad: Pep Squad; Dancesports; Philippine Folk Dances; Indigenous Dances; Vocal Solo; Vocal Duest; Dagliang Talumpati ken Search for Miss PASUC a nakagun-odanna iti 125 a puntos. Sumaruno ti DMMMSU a nagkampeon iti Instrumental Solo (classic guitar); Chorus; Essay Writing; On the Spot Painting; Charcoal Rendering; ken Quiz Bowl.ken nakagun-od iti 107 a puntos. Maikatlo ti PSU, 93 a puntos. Maikapat ti ISPSC (60 a puntos) ken immuna iti Pagsulat ng Sanaysay ken Extemporaneous Speaking. Maikalima ti UNP (59 a puntos) ken
nanggun-od ti Search for Mr. PASUC I.
Ni Dr. Ernesto R. Gapasin iti panangpasangbayna kadagiti delegado
Iti pannakangay ti SCUAA I Meet ken PASUC I Cultural Competition, adu a banag ti nagun-od dagiti nagpartisipar manipud kadagiti nadumaduma a delegasion. Malaksid kadagiti pammadayaw ken medalya a nayukkor kadakuada, nangnangruna pay dagiti leksion nga inda nasagrap. Naipalagip kadakuada babaen ken ni Commissioner Nenalyn P. Defensor ti Commission on
Higher Education a nagserbi kas naisangsangayan a sangaili iti pannakailukat ti nagkadua a pasken nga iti aniaman nga ay-ayam, ti nasken ket ti pannakiakipartsipar, saan a ti panangabak.
Inyam-ammo ni Dr. Lauro B. Tacbas, presiente ti PASUC I, ti naisangsangayan a sangaili..
Kas met iti biag, ti nasken ket isu ti naan-anay a pannakibinnalubal, saan ket ti panagballigi. Kasta met ti panagtalinaedda a napakumbaba iti laksid dagiti balligi. Nupay adda tay pagsasao iti English a kunana, "It’s hard to be humble when you are great."
Ngem ti kinatan-ok ket maipakita babaen ti kinatured, kinamanagibtur ken kinaanus a makipartisipar iti kompetision iti nagan ti panagkkakabsat.
Inawat ni Commissioner Nenalyn Defensor (maikatlo iti kannawan), ti plake manipud iti
SCUAA I nga imbagian dagiti pangulo.
Saan a mailkasid ti kaadda dagiti di panakikinnaawatan kabayatan dagiti nadumaduma a salisal. Ngem dagus met laeng a nasolbar dagitoy ket a nagresulta iti adadda manen a napatibker ti panaggagayyem ken panagkaykaysa dagiti partisipante para iti sumaruno a pangal ti kompetision, ti North Luzon Athletic Association Meet a maangayto idiay Isabela State University, Ilagan
Campus intono Pebrero 19-23, 2007 a pagpartisiparan dagiti State Colleges and Universities iti Region I, II ken Cordillera Administrative Region (CAR).
Ni Dr. Nancy GB Balantac, MMSU Vice President for Academic Affairs ken dagiti nangyalat ti Search for Mr. & Ms. PASUC I -Andrei puruganan (UNP) ken Margareth Ann Yabes,(MMSU).
Ket kalpasan ti Closing Program no sadino a naibaba dagiti bandera dagiti pagadalan idi malem ti Pebrero 2, nagawid dagiti delegado a siraragsak ken napnuan gagar ti indanto manen panagkikita iti sumaruno nga SCUAA I Meet ken PASUC I Cultural Festival a maangayto iti agarup kastoyto met la a paset ti tawen 2008 idiay Pangasinan State University,
Balitok a medalia ti inyalat ni General Valdez para iti Dagliang Talumpati.
Daytoy ti maikatlo a gundaway a nangabak iti umuna a premio iti nasao a salisa. Kaduana da Florecita Corte, MMSU Chief, Cultural Affairs (kakannigidan; ken ti coachna , ni Dr. estrelita L. Coma (maikarlo iti kannigid ken dagiti miembro ti hurado.
Awawaten ni Dr. Miriam E. Pascua, presidente ti MMSU, ti tropeo kas kaampeon iti PASUC I Cultural Festival.
