 |
 |
 |
 |
Ita a masumar ti gasatmo nga agur-uray, Kailian
Kadagiti maipumi nailian nga andingay sarsaraaw
Luto dagiti nasikap a kusinero a kinawwesam iti talek
Kunam a mangwada kullap ti masakbayam
Ditoy a sanguem dagiti grasia ket labayam ta pinggan
Tapnon nanamem dagiti potahe a manglukay
Mayaw-awan a panagraman iti samit-pait
Sanga-ilgat nga arapaap nga isakmulmo iti biag
Agbusogka ita kadagitoy de-numero a potahe
A nayumyom iti rinibu a luksaw ken naiwawa nga iem-
Tay kunam nga agas ti sarsaraaw dagiti mabisin iti buenas
A bunga dagiti tagtagainep, anunsio to aglawlaw
Ken, wen, ramanaam pay daytoy potahe ti mankukulam
A mangilaksid ta boksit ngem mangromansa ta utek
Tapnon riruennaka iti dalanmo nga agpalangit
Ay, pamedped ti am-ammangaw itt tengnga ti aldaw!
'Nia, agtamedka kadi lattan kadagiti appom a kusinero
Ket bay-am ida nga agpalakpak, umisem iti nagayad
A mangidasar kadagiti luto ipatom a makapatig-ab
Ditoy dulang ti kaibaan nakairuamam kadi lattan a pagbiagan?
|
|
|
 |
|
 |
|
|
|
 |