 |
 |
 |
 |
Ita nga aldaw a maitabon ti lagip
Natarnaw puso't panagserbi dagiti didiosen
Awanen to dara ti kinapudno ken kinalinteg
A mangsuero urat-pigsa bumangon arapaap
Ni Juan Daramudom iti sakaanan ti panagdur-as
Kitaem, nataldenganen prinsipio't panagserbi
Iti ray-aw ti sileng a katukad nawaya a panagragsak
Nalmesen dagiti babassit a boses ti kaun-gan
A mangitakder agnguynguy-a nga anges ti biag
Ay, madudog ti pakasaritaan naipadaga a basol
Ta agkul-ob latta ti dayaw iti likud nadait a bibig
No kasta angirsian bulsa ti kingamrod
Ket mabatikanto latta Juan Daramudom iti altar
Ti kaasi a mangidaton anib a tanamitim
Nga agpa-langit iti sanguanan umel a saltek
Ken isem ti galunggong a kinuribam ti implasion!
|
|
 |
|
|
 |
|
 |
|
 |
Copyright © 2005 Vintar.Com
|
 |
|
 |
