 |
 |
 |
 |
Iyayabyo ditoy dulang-tungtungan ti kappia
Kadagiti nayaw-awan nga igam ti buteng
Iti appupo rapas makannigid nga ima dagiti nagulib
A mangburak talinaay dagiti nailibay a rabii
Iti kanalbuong ti alingget ken aligagaw
Ipayapayyo met ditoy dulang-tungtungan ti kappia
Kadagiti nagita a dila dagiti tumatambor
Iti makannawan a tumarorong kadagiti nagatadan
Pinanid ti kinaulbod wenno aglayag iti salakot
Ti di pay nabunyagan naalisan a tangatang
Iyawisyo pay ditoy dulang-tungtungan ti kappia
Kadagiti agbaratilio mapirsaypirsay nga arapaap
Iti likud ti ulila a bituen ken ubing a bulan-
Dagitoy a kasingin angot-pulbora a kararua
Mangrimpong iti buteng kadagiti nakupikopan sileng
Wen, umaykayon ditoy dulang-tungtungan ti kappia
Pagparintumengenyon dagiti igam ti kinadangkok
Dayasanyon iti suka dagiti dila ti kinaulbod
Itugmokyon dagiti sumiasi nga arapaap ti biag
Dagitoy a mayatang iti altr ti kappia ti sangkailian!
|
|
|
 |
|
 |
|
|
|
 |