 |
 |
 |
 |
Ikuadro rayray-init agtigtigerger nga ima
A sumiket iti pagasponan espiritu ti ragsak-liday
A maibuyat iti baso ti natagabo a nakem
Madangan ita dagiti oras kada tangguap, lay-ab
Ket madangep ti iliw dagiti agmagan a bibig
Lumtuad ti isem tunggal kumarabukob ti espiritu
Nga aglung-ay iti deposito ti pannakapnek...
Mapasingkedan ti linnangen kada agek
Agingga iti taraudi't ragsak pannakalipat
Maulsan diro-sanger ti pammateg iti agpatnag
Ket iti iririing iti umuna ken maudi a taraok iti bigat
Maawit manen ti birtud ken bileg ti pannakailuod
Itan a lumtuad ti pait-sam-it lantip nagbibinegen a bibig
A manginaw iti dinto agngudon a pannakailibay
Ditoy rabaw ti daga, daga ti rabaw ti sanger!
|
| |
| |
| |
|
|
 |
|
 |
|
|
|
 |