 |
 |
 |
 |
Bay-am nga agburnok isemmi
A kumablaaw kenka, sika
A bugas dagiti natarnaw a puso
A sarming sudi't kinalinteg
Saguday a pagtamdan ti ili.
Ita nga aldaw, idatonmi
Bileg ti salun-at nga ukkonen
Talugading mangiwayat talingenngen
Bay-am ala, nga ubonenmi tinukel
Sabong-talek a mayukkor a kas kuentas
Batin-lagip saguday ta kinataom...
Arakupem kadi latta karit ti panagdur-as
Tapnon masuero agbugbugsot anges ti biag
A mauyos iti sirkulo lubong ti ilulung-aw.
Ay, sikanto latta't nasged nga apuy-awis
Nailian a kalikagum sungbat dagiti burburtia
Dagiti mainaw a rigat iti saklot ti biag
Pitik ti namnama mariingan a parbangon
Ni kailiam a kannayon dardarepmo iti biag!
|
|
|
 |
|
 |
|
|
|
 |